Orðatøk - Barmur

taka í egnan barm: síggja síni egnu lýti; hoyr um annan, hygg um teg sjálvan; sópa fyri egnum durum; ikki kasta við steini, tá ein sjálvur býr í glashúsi; tann, sum sjálvur býr í glashúsi, skal vera varin við at blaka við gróti eftir øðrum < Bíbl., 2. Mós 4,6-7 "Uppaftur segði Guð við hann: »Stikk hond tína í barmin!« Hann stakk tá hond sína í barmin; men tá ið hann tók hana út aftur, var hon hvít sum kavi av líktrá. (7) Síðan segði hann: »Stikk aftur hond tína í barmin!« Hann stakk tá aftur hond sína í barmin; men tá ið hann tók hana úr aftur barminum, var hon vorðin aftur eins og annað hold hansara." [ísl. líta í (sinn) egin barm, dan. gribe i sin egen barm, tý.zieh/zupf dich an deiner/der eigenen Nase]

Plakatin fæst í ymsum litum og støddum: A5, A4, A3 og A2.